Një bashkëpunim mes emisionit investigativ “Stop” dhe Spitalit Amerikan, ka bërë mrekulli për 55-vjeçarin Shpëtim Balliu.
Suzana Balliu iu drejtua emisionit “Stop” me lutjen për ta ndihmuar për t’i kthyer shikimin vëllait të saj Shpëtimit, i cili ishte plotësisht i verbër.
“Stop” kërkoi ndihmën dhe bashkëpunimin e Spitalit Amerikan dhe pas vizitës, mjeku okulist Nadon Qafa premtoi ndërhyrjen me ultratinguj dhe zgjidhjen e problemit të Shpëtim Balliut.
Në mes të dhjetorit Shpëtimi kreu ndërhyrjen dhe “Stop” asiston deri në heqjen e fashove të nesërmen.
Shpëtimi nuk i shmang dot emocionet dhe shpreh mirënjohjen për kthimin e dritës së syve.
