Sekretari i Përgjithshëm i NATO-s, Jens Stoltenberg paralajmëroi për rritjen e aktivitetit të flotës ruse.
“Rusia ka investuar shumë në kapacitetet e saj detare, veçanërisht në nëndetëse”, tha Stoltenberg për “Washington Post”, duke shtuar se ky aktivitet është evident në Detin Mesdhe dhe Oqeanin Atlantik.
Ndërkohë, disa muaj më parë admiralja amerikane, Michelle Howard ka shprehur shqetësimin se rritja e kapaciteteve detare të Rusisë mund të degradojë në “ndarjen ose shkëputjen” e Aleancës transatlantike. Sipas ushtarakes së lartë, e cila kryeson Komandën Aleate të Forcës të NATO-s në Napoli dhe komandon forcat detare amerikane në Evropë dhe Afrikë, Rusia ka arritur veprimet e saj detare vitet e fundit, edhe pse madhësia e marinës së saj është më e vogël se ajo e Luftës së Ftohtë. “Jemi duke parë aktivitete të cilat nuk i kemi parë as në kohën e Bashkimit Sovjetik. Është aktivitet i paprecedent”, tha Howard.
Ajo përmendi një gamë të gjerë aktivitetesh, duke përfshirë vendosjen e transportuesit rus të avionëve në Mesdhe, rritjen e patrullave në rajonin verior të Atlantikut dhe Arktikut si dhe vendosjen e nëndetëseve dhe lëvizjes së tyre në Detin e Zi.
