Sri Lanka ka ndaluar mbulesat e fytyrave në publik, pas sulmit tragjik në të dielën e Pashkëve, ku u vranë të paktën 250 vetë dhe u plagosën qindra të tjerë.
Lajmi është bërë i ditur nga presidenti Maithripala Sirisena, i cili tha se do përdoret një ligj emergjent për të vendosur kufizimin duke nisur nga e hëna.
“Çdo veshje e fytyrës që pengon identifikimin do të ndalohet për të siguruar sigurinë”, njoftoi zyra e tij, ndërsa udhëheqësit myslimanë e kritikuan këtë veprim.
Megjithatë, niqab dhe burka nuk ishin emëruar specifikisht. Megjithatë, kjo masë është perceptuar si shënjestër ndaj këtyre veshjeve. Sri Lanka mbetet në alarm, tetë ditë pas sulmeve që goditën kishat dhe hotelet.
Nga 21 milion e popullsisë, më pak se 10% janë myslimanë. Vetëm një numër i vogël femrash mendohet se veshin niqab ose burka, që mbulojnë fytyrën dhe trupin.
Ndërkohë, grupimet myslimane kanë kritikuar masivisht vendimin e presidentit.
“Ne e shohim këtë si një refleksion i konfliktit mes presidentit dhe kryeministrit. Ne e kritikojmë ashpër këtë vendim. Nuk do të lejojmë autoritetet të ndërhyjnë në fe pa u konsultuar me liderët fetarë”.
