Deklaratat e bujshme të kryeministrit Rama dhe presidentit Thaçi, mbi bashkimin e Shqipërisë dhe Kosovës, kanë shkaktuar përplasje të mëdha.
Lidhur me këto deklarata, portali “Sputnik” shkruan se Rama dhe Thaçi flasin në emër të Uashingtonit dhe Brukselit.
Në këtë artikull, portali publikon një foto të afërt të Thaçit dhe Federica Mogherinit, e kapur gjatë një përqafimi të tyre, ndërsa shkruan:
“Bashkimi i Shqipërisë dhe Kosovës është pjesë e kontekstit të krijimit të shteteve etnike, e cila në mënyrë të pashmangshme do të shkaktonte një efekt domino në rajon. Faktori shqiptar nuk luan vetëm, kështu që duket se kjo është një lojë që është në përputhje me Brukselin dhe Uashingtonin”, shkruhet ndër të tjera në këtë portal.
Gjithashtu, sipas portalit “Sputnik”, përsëritja e deklaratave nga Rama dhe Thaçi brenda 48 orëve nuk është aspak rastësi.
