Italiani Claudio Ranieri, kampion i Anglisë me Leicester në 2016, ka nënshkruar zyrtarisht kontratën e tij të trajnerit me FC Nanten për dy sezone, bëri të ditur klubi francez.
“Le FC Nanta shpreh kënaqësinë për ardhjen e Claudio Ranieri në krye të ekipit bashkë me grupin e tij profesionist”, thuhet në njoftimin zyrtar.
Nanta, “është një ekip shumë i njohur në botë”, u shpreh trajneri 65-vjeçar italian. “Unë kam ardhur me shumë entuziazëm për të përmirësuar punën në klub”, theksoi ai.
Ranieri ka qenë trajner edhe me Çelsin dhe Juventusin, ndërkohë që në 2016 fitoi Premierligen me Leicester.
I zgjedhur trajneri i vitit 2016 nga FIFA, ai gjithsesi u shkarkua nga klubi anglez në shkurt të 2017 për arsye të rezultateve të dobëta.
