Spitali Amerikan po zhvillon Kongresin e tretë Multidisiplinor Mjekësor ku marrin pjesë mbi 500 lektorë të mirënjohur nga vendi, Evropa dhe Shtetet e Bashkuara të Amerikës si dhe 2 mijë pjesëmarrës.
Tema e këtij Kongresi është “Inovacionet në Mjekësi”. Ministrja e Shëndetësisë deklaroi se qeveria do të vijojë ta mbështesë edhe në vijim sektorin privat. Ajo e konsideron këtë sektor plotësues të sektorit publik.
Ministrja Manastirliu: Do japim me koncesion një rrjet të gjerë laboratorësh
Në ofrimin e një shërbimi cilësor peshën më të madhe të ndikimit e ka personeli mjekësor. Mjekët shqiptarë morën vlerësimin e kolegëve të tyre që punojnë nëpër botë.
Janë bërë tashmë dhjetë vite që Spitali Amerikan operon në vendin tonë me synimin për të ofruar shërbime cilësore shëndetësore. U vlerësuan me certifikata mjekë të huaj dhe vendas. Kongresi do të prezantojë 13 seksione shkencore klinike, 5 workshope dhe Satelite Simposia, 2 forume infermierore, tavolinë të rrumbullakët për studentët. Për 3 ditë me radhë Shqipëria do të kthehet në qendrën e vëmendjes botërore të ekselencës në shëndetësi.
Kongresi i III Multidisiplinar Mjekësor është vlerësuar me 16 kredite dhe 12 kredite te tre Workshop-et.
