Trofeu prestigjioz “Topi i Artë”, i cili jepet për futbollistin më të mirë të vitit, është dominuar për plot 9 vite nga Messi dhe Ronaldo, respektivisht 5 herë argjentinasi dhe 4 herë portugezi. Po të dhjetin kush do ta fitojë?
Messi – Rrezikon të mbetet vetëm me kupën e Mbretit, trofe i cili për nga vlera as që afron tek Topi i Artë. Performancat e tij janë të luhatshme. Ai nuk është Messi i 5 topave të Artë, por as i 2 viteve më parë. Që nga largimi i Xavit nga Barcelona, Messi mori një imazh të ri, të një snajperisti nga goditjet e dënimit, por jo ai magjistari i triblimeve dhe showmen-i i lojës. Arsyeja ndoshta është mungesa e Xavit dhe forma jo “e mirë” e Iniestës. Apo po ndihen shenjat e plakjes?
Ronaldo – I jashtëzakonshëm në nuhatjen e topit brenda zonës dhe në finalizimin e tij në rrjetë, shumë larg nga ai Cristiano i triblimeve, goditjeve të lira dhe nga distanca, vrapon më pak, më ngadalë dhe triblon më rrallë, shenja që tregojnë se nga Ronaldo mund të presim vetëm që ai të luajë si një numër 9.
Pavarësisht performancave jo të mira në lidhje me atë që shquhet, ai përsëri tregohet vendimtar aty ku duhet. Në garë për La Ligan dhe për Ligën e Kampionëve, Rondaldos i mbetet e vetmja shpresë që t’i fitojë trofetë, për të arritur tek “Topi i Artë”. Por, nëse Reali i Madridit dështon të fitojë Ligën e Kampionëve?
Atëherë me shumë siguri fituesi i ri i “Topit të Artë” do të jetë dikush tjetër dhe jo dyshja më e mirë e 10-vjeçarit të fundit. Të gjitha alternativat e mundshme të çojnë tek Griezman dhe Dybala.
Me ekipet e tyre serioze për të fituar Ligën e Kampionëve, Griezman dhe Dybala mund të jenë kandidatë potencialë për të triumfuar në trofeun prestigjioz në aspektin individual.
Griezamnan- Për arsyen se nuk po dorëzohet kurrë për të pasur një trofe si në nivel skuadre, ashtu edhe në atë individual, i mposhtur nga Ronaldo shumë herë, kur mundohej të shkruante histori, ai sërish vazhdon e lufton për të arritur diçka.
Dybala- 2 gola kundër Barcelonës e ndihmojnë goxha. Fitues pothuajse zyrtar i Serisë A dhe me një hap të sigurt në fazën tjetër, pas fitores 3-0 ndaj Barcelonës, i favorizuar, nëse arrin t’i bëjë për vete që të dy trofetë.
E vështirë është ta mendosh që “Topi i Artë” do ketë një zotërues të ri, por ndoshta një fitues dominant do e kemi shumë shpejt.
Analizë nga Dritan Ceveli/Tirana Today
