Reali i Madridit rikthehet aty ku preu biletën për në finalen e Lisbonës. Ramos 2 herë dhe Ronaldo gjithashtu 2 herë e kthyen mbrëmjen në një natë tragjike për kampin bavarez.
E njëjta fushë, të njëjtat ekipe dhe me pothuajse të njëjtët lojtarë, përballen përsëri sonte. Ndryshimi i vetëm është “Don” Karlo Ançeloti, i cili në atë sezon ishte trajner i “mbretërve” dhe Zidane ishe asistenti i tij.
Bayern Munich – Real Madridi luhet për fazën e 1/8 të Ligës së Kampionëve. Të copëtuar në mbrojtje, si madrilenët që startojnë pa 2 qendërmbrojtësit, Pepe dhe Varane, po ashtu dhe Bayern që nuk ka Humelsin të disponueshëm. Levandowski është në dyshime të mëdha, aq sa stafi mjekësor nga momenti në moment ndryshon vendimin, ndryshim që, mesa duket, vjen nga dëshira e stafit që “snajperisti” të jetë në përballjen kundër Madridit.
Bavarezët në fundjavë “shpërfytyruan” Dormundin e goditur plot 4 herë. Ndërkohë që Reali i Madridit u ndal ndaj Atletikos në minutën e 86 të takimit, pas golit të Griezmanit. E bukura e përballjes së sotme është dhe rikthimi i Carlo Ançelotit kundër ish-ekipit të tij, ekip me të cilin pushtoi botën në 2014-tën.
Sfida starton në 20:45 dhe formacionet mendohet se do të jenë:
Bayern Munich: Neuer; Lahm, Javi Martínez, Boateng, Alaba; Vidal, Alonso, Thiago; Robben, Leëandoëski, Ribéry.
Nga formacioni bavarez rrezikon Boateng, i cili në rast ndëshkimi me të verdhë humbet ndeshjen e kthimit në Bernabeo.
Ndërsa Reali i Madridit me formacionin: Navas; Carvajal, Ramos, Nacho, Marcelo; Casemiro, Kroos, Modrić; Bale, Benzema, Ronaldo.
Nga Madridi rrezikon Modriç dhe Ramos.
Reali i Madridit do të hyjë në fushën e lojës me uniformën e zëzë, ndërkohë që Bayern do ta ndezë stadiumin me të kuqe të fortë për të nënkuptuar zjarrin.
Hera e fundit që Bayern përgatiti zjarrin për Madrilenët ishte në vitin 2014, kur në të u dogj vetë 4 herë. Ndoshta ka ardhur momenti i hakmarrjes nga gjermanët…
https://www.youtube.com/watch?v=bKoIND3TvnE
