“The Special One”: Wenger dhe Guardiola janë mashtrues

Fundjava në Premier League do të jetë e zjarrtë, do të zhvillohet një përballje titanësh në derbin e shumëpritur të Mançesterit. Ku përveç rivalitetit të përjetshëm mes këtyre dy ekipeve, tashmë kemi edhe një rivalitet të hershëm edhe mes trajnerëve. Përballë njëri-tjetrit do të vihen dy rivalë të vjetër, portugezi Mourinho dhe spanjolli Guradiola. “The Special One” para kësaj sfide ka thumbuar Guardiolën ku e quan “mashtrues”, pasi David Silva nuk është i dëmtuar, por thjeshtë ai e ka lënë jashtë grumbullimit, pasi dëshiron që të jetë në formën e tij më të mirë në derbi. Mou është shprehur se nuk ndjek këtë strategji, duke gënjyer për formën e lojtarëve si ç’bëri edhe Wenger me Lacazette në ndeshjen e javës së shkuar.“Eric Bailly dhe Carrick nuk kanë asnjë shans për të luajtur. Një mundësi mund të kenë Phil Jones dhe Fellaini, sikurse edhe Zlatan Ibrahimovic, ndërkohë që Matic do të jetë pjesë e formacionit. Kjo është e vërteta, ai është i dëmtuar, por do të luajë. Unë nuk sajoj historira si ato të Lacazette apo David Silvas, këto sajesa ua lëmë kundërshtarëve tanë. Sërish ata kompleksohen para nesh, ndërkohë që në tregohemi shumë modestë. Kur lojtarët janë të dëmtuar unë e them gjithmonë të vërtetën, nuk gënjej asnjëherë.”