Këtë fundjavë ishte sërish Rey Manaj, ai që nuk mungoi në takimin me golin. Bomberi shqiptar realizoi për Barcelonën B në fitoren e vështirë 4-3 ndaj Villareal B, që e mban ekipin katalanas në lojë për t’u ngjitur një ligë më lart sezonin e ardhshëm.
Manaj realizoi në minutën e 67-të , duke goditur me të djathtën në hyrje të zonës.
Ky gol, që fiksoi shifrat momentale në 4-1 për Barcelonën B, do të rezultonte vendimtar në fund për 3 pikët, pasi Villareal B shënoi edhe dy herë të tjera, duke ngushtuar diferencën dhe mund të kishte barazuar.
Ky ishte goli i 12-të sezonal për Rey Manajn.
