Në Spanjë kanë nisur protestat kundër pavarësisë së Katalonjës, pas referendumit që u zhvillua të dielën e kaluar. Protestat nisën në Madrid, por edhe në qytete të tjera. Në kundërpërgjigje të kësaj vale demonstratash, përkrahësit e shkëputjes kanë bërë thirrje për grumbullime të ngjashme në kryeqendrën e rajonit të pasur, Barcelonë. Dhjetëra studente katalanas muzike u përpoqën që me pak xhaz, të ia zhvishnin situatës së krijuar tonet e zymtësisë.
Presidenti i Katalonjës, Carles Puigdemont u takua me një grup ndërmjetësish të përbërë nga anëtarë të shoqatës Barcelona Bar Association, liderë të biznesit e përfaqësues sindikatash dhe universitetesh. Ndërkohë, përfaqësuesi i qeverisë spanjolle në Katalonja, Enric Millo ka kërkuar ndjesë për personat që u lënduan gjatë përpjekjeve të policisë për të ndaluar referendumin.
Megjithatë, ai fajësoi qeverinë Katalanase për mbajtjen e referendumit të paligjshëm. Qindra vetë mbetën të lënduar teksa policia u përpoq të ndalonte referendumin duke sekuestruar kutitë e votimeve dhe duke shpërndarë votuesit. Ndërkohë, presidenti i Katalonjës ka planifikuar të flasë të martën në parlamentin katalanas. Ekzistojnë spekulime se në këtë seancë plenare do të deklarohet pavarësia e Katalonias duke u bazuar në rezultatin e referendumit, njofton BBC.
