Spalletti me dhimbje koke, humb dy “shtyllat” e mbrojtjes para derbit

Tek Interi problemet sa vijnë dhe shtohen. Pas humbjes shokuese me Sassuolon, Spalletti ka edhe një lajm tjetër të hidhur. Këtë erë bëhet fjalë për lëndimin e dy titullarëve të padiskutueshëm, të cilët kanë marrë dëmtime serioze dhe bëhet fjalë të mungojnë gjatë. Dambrosio dhe Miranda, dy lojtarë mjaft të rëndësishëm në repartin mbrojtës nuk do të enë në gatishmëri të teknikut italian për derbin me Milanin në kuadër të Kupës së Italisë.

Interi përmes një komunikate në sajtin zyrtar të klubit ka bërë të ditur se Danilo D’Ambrosio ka pësuar një dëmtim të shkallës së parë në ligamentin e kolateral medial në këmbën e tij të majtë, ndërsa braziliani ka një dëmtim të klasës së parë në muskujt soleus të këmbës së tij të djathtë. Interi gjithashtu ka njoftuar se dy lojtarët që nesër do të nisin me procesin e rikuperimit.

Duket se dy shtyllat e mbrojtjes do të mungojnë gjatë, pasi dëmtimet e marra nuk mund të rikuperohen lehtë, për këtë arsye alternativat e Spallettit për ndeshjet në vazhdim do të jenë të kufizuara. Përpos derbit, zikaltërit para se të mbyllin vitin kanë edhe një ndeshje tjetër mjaft të rëndësishme, ku do të presin Lazion në “San Siro”.