E shtuna na sjell edhe supersfidën e Serie A, të dy vendeve të para Napoli-Inter. Kreu i pankinës së Interit në konferencën për mediat është shprehur se ata i kanë kualitetet për ti hapur vështirësi Napolit dhe pse jo të kërkojnë fitoren. Ai ka shprehur hapur se Napoli është duke zhvilluar një lojë mjaft të mirë dhe se do të jetë një ndeshje mjaft e vështirë. Interi vjen në këtë përballje pas një fitoreje ndaj Milanit në derbi, ndërsa Napoli ka pasur edhe në mesjavë një angazhim në Champions League përballë Manchester City , ku u mposht 2-1.
“ Nuk do të jetë e lehtë por futbollistët e mi i kanë kaluar tashmë me sukses disa nga provimet që kanë dhënë, e kemi studiuar kundërshtarin dhe jemi gati për këtë përballje të madhe. Napoli është një reklamë për futbollin. Ata janë një skuadër e fortë, aktualisht janë në atë pikë ku kishin programuar të ishin. Nuk i lejojnë asgjë askujt prandaj duhet ti sfidojë me kokën lart. Napoli komandon gjithmonë lojën dhe ne duhet të jemi më të zotë të përballojmë perfeksionin e tyre në mbajtjen e topit. Nëse Sarri do të punonte në bankë, tashmë do të ishte bërë Ministër i Ekonomisë”, deklaroi trajneri i Interit Luciano Spalletti.
