Sa shumë u deshëm… por çfarë rëndësie ka? Nga Angli ka ardhur një histori shumë interesante, që ka për protagonist Russell Gibbs Kush është ky? Një burrë që duhet të jetë shumë i zemëruar me trajnerin e Anglisë, Southgate. Por jo, ndoshta edhe falë Kupës së Botës, nuk arrin të jetë i tillë.
Historia është publikuar nga “Daily Mail” dhe personazhi në fjalë nuk është një askush. Ose më mirë, është, por nuk është një anglez çfarëdo. Zoti Gibbs është ish i fejuari i Alison, gruaja e Southgate, e cila është në krah të bashkëshortit të saj edhe në Rusi.
Përqafimi i të dyve në fund të ndeshjes me Kolumbinë ka bërë për vete të gjithë shtypin anglez, duke përfshirë edhe ish të fejuarin e Alison. I cili nuk i mban mëri bashkëshortes të teknikut dhe as këtij të fundit, që i ka vjedhur të dashurën.
Dashuria mes Southgate dhe Alison ka lindur në kohën kur trajneri luante me Crystal Palace, kur futbollisti i ri është magjepsur nga një shitëse në Londër. Ka qenë dashuri me shikim të parë, deri në atë pikë sa Southgate ka filluar të kalojë orë të tëra duke blerë veshje për të qëndruar në shoqërinë e vajzës.
Problemi ishte se Alison ka qenë e fejuar me Russell Gibbs. Madje, ata të dy bashkëjetonin. Por Southgate, i cili luante si mbrojtës, ka dalë në sulm dhe ka arritur të vjedhë zemrën e asaj që do të bëhej gruaja e tij. I është dashur pak kohë dhe më shumë se një takim klandestin mbrapa krahëve të Russell, shkruan Telesport.
Gjithsesi, ai e ka marrë me sportivitet. Tani është i martuar edhe ai dhe do të vazhdojë të mbështesë “Tre Luanët” në ndeshjen kundër Suedisë, edhe pse në stol do të jetë një fytyrë që do të donte të mos e shikonte shpesh… “Fat të mbarë Gareth dhe Alisson. Tashmë është një histori e vjetër. Natyrisht, të shtunën do të mbështes Anglinë dhe Southgate. I uroj atij, skuadrës dhe Alison gjërat më të mira të mundshme”.
Duke parë se prania e saj ka qenë shumë e rëndësishme për Southgate pas penalltisë së humbur në 1966-ën kundër Gjermanisë për ta marrë veten nga zhgënjimi, ai shpreson që të përsëriten skenat e para pas ndeshjes me Kolumbinë. Nëse falë trajnerit Anglia do të kthehet të fitojë një Botëror pas 52 vitesh, ndoshta Rssuell do ta shikojë atë thyerje të vjetër të zemrës si një bekim futbollistik…/telesport/
