Në Kuvendin e Kosovës do të mbahet sot seanca e jashtëzakonshme, me rend dite shqyrtimin e Projektligjit nr.06/L-060 për ratifikimin e Marrëveshjes për Kufirin Shtetëror në mes të Republikës së Kosovës dhe Malit të Zi.
Partitë duket se nuk kanë arritur në dakordësi lidhur me votimin e Demarkacionit, duke sjellë dështimin e dy seancave të mëparshme, për t’u shtyrë sot. Kryetari i Kuvendit të Kosovës, Kadri Veseli u shpreh i bindur një ditë më parë se demarkacioni do të kalojë në Kuvend.
Ndërkohë, ditën e sotme kur pritet të votohet Demarkacioni, do të qëndrojnë për vizitë në Kosovë vizitë zyrtarët më të lartë të Bashkimit Evropian, presidenti i Komisionit Evropian, Jean-Claude Juncker, bashkë me Përfaqësuesen e Lartë, Federica Mogherini dhe komisionarin për Zgjerim Johannes Hahn.
Kujtojmë se ambasadori Greg Delawie si dhe shefja e Zyrës së BE-së në Kosovë, Natalyia Apostolova kanë bërë thirrje për miratimin e demarkacionit, po ashtu edhe kryeministri i Kosovës Ramush Haradinaj, i cili tha se votimi pro sjell integrimin e Kosovës.
Nga ana tjetër, Lëvizja Vetëvendosje dhe Lista Serbe kanë deklaruar se nuk do e votojnë Demarkacionin.
