Ministrja e Shëndetësisë dhe Mbrojtjes Sociale, Ogerta Manastirliu, teksa ka parë nga afër procesin e vaksinimit në ”Sheshin Skëndërbej”, deklaroi se tashmë është ulur fasha e vaksinimit, dhe tashmë po marrin dozat qytetrarët e moshave 50-59-vjeç.
Manastirliu u shpreh se ato qytetarë që i përkasin kësaj grupmoshe, mund të aplikojnë në portalin e-Albania. Ndër të tjera, ministrja tha se ditën e sotme pritet të vijnë mbi 11 mijë vaksina të prodhuara nga kompania Pfizer.
Ogerta Manastirliu: “Hapim fashën 50-59 vjeç, duke filluar nga grupmosha më e lartë dhe më pas në rend zbritës, për të mundësuar që të gjithë ata që janë më të riskuar, të vaksinohen sa më herët. Ky është një organizim i cili është duke u bërë nga mjeku i familjes. Por të gjithë ato qytetarë që i përkasin kësaj fashe grupmoshe mundet edhe të aplikojnë pranë portalit e-Albania, për të rezervuar ditën e vaksinimit të tyre. Në çdo rast, mjeku i familjes do t’i njoftojë qytetarët për vendin dhe orën e vaksinimit. Bashkë me 100 mijë vaksinat Coronavac që mbërritën këto ditë, deri tani janë mbi 1 milion e 60 mijë vaksina të mbërritura në vend, ndërsa sot presim sërish mbi 11 mijë vaksina Pfizer.
