Presidenti i Ukrainës Zelensky thotë se sulmi rus në termocentralin bërthamor të Zaporizhzhya, mund të kishte shkaktuar shkatërrim të barabartë me “gjashtë Çernobilë”.
Në një fjalim televiziv tha: “Njerëz të Ukrainës! Ne i mbijetuam natës që mund të kishte ndaluar rrjedhën e historisë – historia e Ukrainës, historia e Evropës”.
Ai u shpreh se Rusia e dinte se çfarë po bënte kur goditi predha direkt në stacion, dhe e quajti atë një akt “terrori në një nivel të padëgjuar”.
Duke iu drejtuar popullit rus ai deklaroi: “Si është e mundur kjo? A nuk i luftuam së bashku pasojat e katastrofës së Çernobilit në 1986?”.
Zelensky thotë se është në kontakt me liderët botërorë, të cilët tha se ishin “të tronditur”.
Ai gjithashtu po bën thirrje për një zonë ndalim-fluturimi mbi Ukrainë dhe sanksione kundër një “shteti terrorist bërthamor”.
“Rrezatimi nuk e di se ku është Rusia. Rrezatimi nuk di për kufijtë e vendit tuaj”.
Burimi i lajmit: BBC. Përshtatur nga Tirana Today
