Skënderbeu ka bërë një lëvizje mjaft të mirë në limitet e merkatos, ku ka nënshkrua me mesfushorin Kabba Sambou. 22-vjeçari shihet si një përforcim mjaft i mirë për ekipin, pasi është edhe pjesë e kombëtares së Gambias, kjo dhe për faktin se Sambou mund të aktivizohet si në mbrojte ashtu edhe në mesfushë.
“Jam shumë i lumtur që jam pjesë e këtij klubi sepse Skënderbeu është një skuadër shumë e mirë. Drejtuesit kanë besim tek unë prandaj më morën. Tani do më duhet të punoj fortë. Për mua nuk është problem se në cilin repart do të luaj për këtë pjesë do të jetë trajneri ai që do të vendosë. Nëse trajneri do të më thotë që do luash në mbrojtje do të luaj nëse do të më caktojë në pozicion tjetër sërish të njëjtën gjë do të bëj. Personalisht e ndjej veten gati. Ndihem i motivuar dhe jam gati për të luajtur dhe për të ndihmuar skuadrën.”
Në radhët e klubit korçar, Sambou ka gjetur dhe bashkëkombësin e tij Ali Sowe, për të cilin mesfushori shprehet se nuk e ka njohur nga afër. Sidoqoftë vlerëson aftësitë e shtatlarit të bardhekuqve, teksa shton se me Skënderbeun dëshiron të arrijë sa më shumë suksese.
“Si çdo lojtar i ri që ka dëshirë të fitojë trofe e njëjta gjë vlen dhe për mua. Dua të fitoj sa shumë tituj me Skënderbeun. Ali Sowe e njoh vetëm si futbollist të Gambias sepse me të nuk kam folur kurrë. Vetëm kur erdha këtu pata mundësi të flisja me të për herë të parë. Gjithsesi ai është një lojtar i mirë.“
