Nuk ndalet Skënderbeu, fiton edhe në përballjen me Luftëtarin në Korçë me shumë vështirësi. Me këtë fitore bardhekuqtë shkojnë në kuotën e 22 pikëve, plus 6 pikë nga Kukësi i vendit të dytë që ka një ndeshje më pak. Kjo ishte java e tetë në kategorinë Superiore dhe ekipi i drejtuar nga Ilir Daja nuk di të bëjë hapa farsë. Ndërsa Luftëtari mbetët në kuotën e 5 pikëve në zonën e mbijetesës duke lënë pas vetëm Lushnjën me po aq pikë dhe Vllaznia që qëndron një vend më lart me po 5 pikë.
Në stadiumin “Skënderbe” në Korçë ndeshja nis mjaft mirë për vendasit të cilët fitojnë një 11-metërsh që në minutën ë 4’ të ndeshjes, me anë të Xhejms. Ekzekutimin e merr përsipër i përhershmi Lilaj dhe e kthen në gol. Avantazh që e vendos në pozita komode Skënderbeun për pjesën e mbetur të ndeshjes. Luftëtari nuk dorëzohet dhe lufton në çdo minutë për të barazuar, krijojnë shumë raste për të shënuar, por nuk i shfrytëzojnë si duhet dhe nuk arrijnë të shënojnë. 10’ minuta nga fundi i takimit i sapo futur në lojë Gavazaj shënon edhe golin e dytë që vulos takimin dhe i jep tre pikët e radhës korçarëve për të vazhduar marshimin në krye të tabelës.
Skënderbeu-Luftëtari 2-0
Shënues: Lilaj 4’ (11-m), Gavazaj
Skënderbeu: Shehi, Vangjeli, Radas, Aliti, Mici, Muzaka, Osmani, Lilaj, Taku, James, Sowe.
Trajner: Ilir Daja
Luftëtari: Ruçi, Rapa, Zeqaj, Beqiri, Zguro, Ramadani, Rapo, Rroca, Bregu, Abazaj, Lamçja.
Trajner: Hasan Lika
Arbitër: Olsid Ferataj
