Ekipi i Skënderbeut ka bërë gati programin e stërvitjes edhe për turin e ardhshëm në Ligën e Europës.
Të sigurt se do të përballen me Kairat Almatin e Kazakistanit, drejtuesit e klubit kanë bërë gati axhendën.
Duke parë që ndeshja e radhës është pas një jave dhe distanca nga Shqipëria në Kazakistan është shumë e largët, klubi ka vendosur që Skënderbeu pas ndeshjes me Sant Hulian në Andorra të mos kthehet më në Shqipëri, por të zhvillojë përgatitjet në Stamboll për të pasur më pak rrugë të gjatë dhe rrjedhimisht më pak lodhje udhëtimi, shkruan panorama.
Pritet kështu që nga Andorra ekipi të udhëtojë në Barcelonë, ku do të marrë avionin drejt Stambollit. Në Turqi korçarët kanë prenotuar gjithçka, duke nisur nga resorti ku do të akomodohen dhe do të zhvillojnë stërvitjet e lëvizjet që do të bëjnë.
Më pas, të mërkurën e 12 korrikut, Skënderbeu do të marrë një tjetër fluturim nga Stambolli drejt Kazakistanit, ku do të zhvillojë edhe seancën e fundit stërvitore në stadiumin ku do të luhet ndeshja