Skënderbeu kishte mundësinë të fitonte tre pikë natën e kaluar në “Elbasan Arena” përballë Young Boys. Shumë episode sollën atë barazim pas asaj ndeshje perfekte të zhvilluar nga ‘bardhekuqtë’, që nga dëmtimi i Gavazaj-t, deri tek penalltitë e mohuara nga arbitri holandez. Kanë qenë dy episode flagrante ku mbrojtësit kanë prekur topin me dorë, por pavarësisht protestave të lojtarëve të Skënderbeut arbitri ka vazhduar lojën. Kanë qenë disa rast të dyshimta për vendimet e holandezit, por ajo që të bën çudi është se edhe kamerat e UEFA-s nuk i sollën rastet në ritransmetim për të pasur një ide më të qartë se çfarë ndodhi. Edhe këto episode kanë ndikuar në rezultatin përfundimtarë të ndeshjes.
Daja pas barazimit me Yong Boys deklaroi se është i kënaqur me lojën, por me pak kujdes mund të kishin fituar.
“Jam i kënaqur nga ekipi duke parë dhe zhvillim dinamik të situatës. Kemi qenë superiorë në disa raste, ka patur një rast të dyshimtë për penallti. Duhet ta kishim administruar më mirë topin në 20 minutat e fundit, por duke parë kundërshtarin jam i kënaqur edhe me barazimin. Gavazaj është bërë pjesë e formacionit bazë, shpresoj mos të ketë ndonjë dëmtim të rëndë edhe pse me aq sa pashë do të mungojë pak gjatë. Sahiti gjithashtu më pëlqeu. Duhet të jemi pak më pragmatist në të tilla situata. Ekipi po e ndjente lodhjen, mendoj se po të rrinim pak më mbrapa mund të arrinim diçka më shumë. Me kalimin e ndeshjeve ekipi do të fitojë eksperiencë, shpresoj që situata si goli i barazimit të na ndihmojë të përmirësohemi.”
JASHANICA: “Duhet të ishim më të kujdesshëm në minutat e mbetura. Duhet të ishim më të bashkuar mbrapa për të mos lejuar hapësira. Ju kënaq barazimi? Na kënaq edhe pse mendoj se e meritonin fitoren, por i tillë është futbolli. Duhet të ishim më të përqendruar në rastin e golit. E rëndësishme është të vazhdoj me këtë ritëm. Shpresojmë të arrijmë rezultate më të mirë, pse jo dhe të kalojmë grupin. Skënderbeu e meriton një gjë të tillë”.
SOWE: “Jam i kënaqur për golin, keqardhje për barazimin. E meritonin fitoren. Jam i kënaqur që shënova edhe ndaj Partizanit, por edhe sot. Penalltia ku unë isha protagonistë ishte. Më pëlqen shumë të punoj për skuadrën. Është e vërtetë që shpërdoroj shumë energji, por këto janë detaje për të cilat mund të punoj. Që kur erdha këtu, kam parë një kampionat interesant dhe fizik. Skënderbeu është një skuadër e fortë, më pëlqen sepse nga mënyra se si luajmë mund të arrimë shumë.”
LILAJ: “Mendoj që kjo është specifika e Europa League, nëse kapesh i papërgatitur dhe i lodhur do të ndëshkohesh. Kemi shumë gjëra për ti përmirësuar. Do të mundohemi të rikuperojmë energjitë e humbura këto ditë. ndaj Kukësit është një ndeshje shumë e rëndësishme. Do të jemi një skuadër e plotë dhe e kompletuar.” /Tirana Today/
