Lidhja e mafias me politikën dhe bizneset është një fenomen mbarëbotëror. Lidhja e grupeve mafioze me politikën është aluduar dhe ka patur kundërsulme politike. Shqipëria është kthyer në një vend transit për trafikun e lëndëve narkotike, të kanabisit, heroinës dhe kokainës-shkruan Tirana Today.
Kujtojmë se në gjatë ditës së djeshme dhe të sotme janë sekuestruar sasi të mëdha drogë, të cilat vinin apo tentonin të kalonin nga Shqipëria në drejtim të vendeve të tjera e evropiane.
Të mërkurën janë kapur jashtë Portit të Durrësit 613 kg lëndë narkotike të llojit kokainë, e cila në vlerë tregu kapte shifrën e 180 milionë eurove. Ndërkohë janë raportuar se shqiptarët kanë marrë kontrollin e drogës nga kanabisi tek kokaina dhe heroina. Ndërkohë nuk mbeten pas edhe rastet ku shqiptarët janë të lidhur dhe bashkëpunojnë ngushtësisht me bandën mafioze italiane të “Ndraghetas”.-shkruan Tirana Today.
Policia italiane ka shkatërruar gjatë ditës së sotme një rrjet narkotrafikantësh me 5 tonë marijuanë nga Shqipëria drejt Italisë.
Nga ky operacion kanë rënë në pranga 25 persona, ku në mesin e tyre ishin edhe 3 shqiptarë. Policia italiane shprehet se shqiptarët e arrestuar janë Elvis Hajdini 25 vjeç, Indrit Buja 37 vjeç dhe Shefku Muho 34 vjeç, të cilët dyshohet se ishin drejtues të një klani të organizatës mafioze Ndrageta në Kalabri.
Kujtojmë se organizata mafioze “Ndragheta” prej vitesh është aktive në pjesën më të madhe të Evropës, ndërsa lidhjet e saj janë të frikshme. Kjo organizatë në bazë të hetimeve, mendohet se ka influencë të drejtpërdrejtë në zgjedhjen e deputetëve dhe blerjen e zgjedhjeve.
Banda mafioze e “Ndrangheta-s” është aktive në Evropën Lindore për 20 vjet. Ajo është gjithashtu e aftë të ndikojë në zgjedhje “- thotë Nicola Gratteri, prokuror anti-mafias me qendër në Kalabri dhe eksperti kryesor i drejtësisë së Italisë.
Ai thotë se gjatë hetimeve kemi përjetuar edhe se ‘anëtarët e Ndrangheta-s drejtonin zgjedhjen e deputetëve gjermanë. “Pra, pse jo dhe në Sllovaki? por Gratteri nuk dëshiron të komentojë për këtë. Kjo nuk përjashtohet se edhe në Shqipëri, anëtarët e bandës mafioze mund të jenë përfshirë edhe në zgjedhjet dhe mund të kenë ndërhyrë në “blerjen” e mandateve të deputetëve. TIRANA TODAY
