Një bastvënës anglez ka fituar 11.2000 euro gjatë përballjes mes Gjermanisë dhe Holandës ditën e hënë. Skedina e fituar prej tij është ëndrra e çdokujt. Me 5,60 euro, ai ka arritur të fitojë plot 11.2000 euro.
Ai ka bërë një kombinim tepër interesant në skedinë: Mats Hummels, Toni Kroos dhe mesfushori i Holandës Georginio Wijnaldum do të marrin karton të verdhë dhe Virgin van Dijk do të shënojë gol.
Dhe kështu ndodhi. Hummels u “zverdh” në minutën e 14’, Wijnaldum në të 38’ dhe Kroos në minutën e 52’. Kishte mbetur vetëm goli i Van Dijk, dhe për të duhet të priste kohën shtesë të ndeshjes.
Qendërmbrojtësi holandez ka barazuar rezultatin në fund të takimit duke kënaqur një popull të tërë, si dhe bastvënësin anglez. Me siguri që ai do të ketë festuar më shumë se holandezët.
