Teksa po transmetohet drejtpërdrejt Asambleja Zgjedhore e FSHF-së, kemi dëgjuar fjalën e dy prej kandidatëve për kreun e FSHF-së, përkatësisht Bashkim Finos dhe Armand Dukës.
Fjala e këtyre të fundit, vijoi me një skandal të turpshëm për të gjitha televizionet shqiptare, të cilat bojkotuan fjalën e kandidatit të tjetër, Shpëtim Halës.
Në të gjithë garën e bujshme, kryefjalë në medie ka qenë përplasja mes Finos dhe Dukës, një garë e fortë kjo që i zuri të gjithë hapësirën mediatike Shpëtim Halës, i cili për ironi vjen nga bota e futbollit.
Por, sapo ka marrë fjalën e tij në Asamblenë Zgjedhore të FSHF-së, mediet kanë ndërprerë lidhjen e drejtpërdrejt, si për të treguar se Hala është një kandidat i papërfillshëm, duke mos respektuar as formalisht kandidimin e tij.
Duket se gjithçka në vendin tonë e zotëron biznesi dhe politika, që fatkeqësisht po ‘eklipson’ çdokënd të një fushe tjetër, ndërsa keqardhja më e madhe është për mediet, që e stimulojnë këtë fenomen. TIRANA TODAY
