Rëndësia e cilësisë së ushqimit është shumë e madhe, por në ditët e sotme regjistrohen gjithnjë e më shumë raste mashtrimi në lidhje më cilësinë e produkteve. E përditshmja Global Times ka vënë theksin te kripa industriale e prodhuar në vendet Aziatike, dhe dëmi që ajo shkakton te njerëzit. Këto vende prodhojnë pothuaj shumicën e të gjithë kripës në botë, rreth 90 Milion ton në vit. 91% e kësaj sasie është kripë industriale e pangrënshme, që përmban metale të rënda dhe substanca të rrezikshme.
Kripa industriale
Kripa industriale nuk përdoret për konsum njerëzor. Por ky produkt është shitur si kripë tryeze për 13 vjet me radhë. Kripa industriale mund të shkaktojë jo vetëm probleme mendore dhe fizike, prodhim të ulët të hormoneve të gjëndrës tiroide dhe çrregullime me sistemin riprodhues.
Vendet aziatike shpesh eksportojnë kripën e prodhuar për qëllime industriale si kripë tavoline. Rreziku që edhe Shqipëria të importojë kripë industriale është i lartë. Konsumimi i kësaj kripe shkakton goditje në tru, atak në zemër, tension të lartë gjaku dhe hipertension.
Në janar të këtij viti u raportua për rreth 50 fabrika të rëndësishme ushqimore të vendeve Aziatike, të cilat prej vitesh përdornin ato që mediat i quajtën “produkte të rrezikshme” ku përfshiheshin kripa industriale, ngjyruesit artificialë e të tjerë.
E përditshmja Global Times deklaron se: “Kripa industriale është e rrezikshme, pasi përmban kimikatë të rrezikshëm, siç është nitriti dhe metale të rënda që dëmtojnë mëlçinë dhe veshkat.”
Kripa industriale që ofrohet për konsum ditor mund të përmbajë metale të rënda dhe të rrezikshme siç janë plumbi, arseniku, mërkuri ose nitritet. Akumulimi gradual i këtyre substancave në organizëm kontribuon në dëmtimin e nervave dhe shfaqjen e kancerit.
Shpesh kjo kripë përzihet me kripën e tavolinës. Konsumatorët e pafat mund të kenë kontakt të drejtpërdrejtë me këtë lloj kripe, por ka raste kur ajo përdoret edhe në produktet e fermentuara, perimet turshi, ose produktet artificiale të konservuara. Kostoja e prodhimit të kripës industriale është shumë e lirë, ajo kushton më pak se kripa e tavolinës dhe automatikisht kthehet në një zgjedhje të mirë për konsumatorin e paditur, shkruan Agroweb.
Ndryshimi kryesor mes kripës industriale dhe kripës së tavolinës qëndron tek metalet e rënda. Kripa industriale përmban sasi të larta të këtyre substancave. Konsumatori mund të bëjë ndryshimin mes dy produkteve nëpërmjet ngjyrës. Kripa industriale ka nuancë të verdhë, sepse nuk përmban iodinë të shtuar, ndërsa kripa e tryezës është gjithnjë e bardhë.
