Ministri i Infrastrukturës dhe Energjitikës Damian Gjiknuri, ka folur lidhur me pezullimin e punimeve në lotin I të “Unazës së Re”. Punimet u pezulluan nga ARRSH, pas zbulimit të skandalit që kompania “DH Albania” ka falsifikuar dokumente jashtë territorit të Shqipërisë në SHBA.
Gjatë fjalës së tij, Gjiknuri u shpreh se është anuluar punimi në këtë segment, dhe se nuk ka lidhje me këtë aktivitet kriminal. Ai i cilësoi si akuza qesharake dhe se do të jepte dorëheqjen nëse vërtetohet që ai ka gisht.
‘Këto më duken akuza qesharake, se është njësoj si të them unë se edhe Monika Kryemadhi ka qenë në Washington, dhe unë të them ka vajtur për të hapur kompani.
Edhe Lulzim Basha shkon shpesh në Holandë, dhe unë të them po hap kompani. Këto janë akuza krejt banale.
Unë thashë që fat i mirë që në SHBA po bëhen hetime. Nëse unë kam shkelur në atë shtet, jam gati të jap dorëheqjen. Ata që bëjnë akuza, duhet të kërkojnë një falje të madhe publike”, tha Gjiknuri.
