Avokati Fatmir Merkoçi e cilësoi si të turpshme dhe skandaloze rastin e zv/kryeministres Belinda Balluku, e cila do të ketë mundësinë të aprovojë leje ndërtimi për një territor prej 210 mijë kilometrash katrorë tokë, vetëm me firmën e saj.
Merkoçi shprehu shqetësimin se ky është një akt që i jep shumë pushtet një individi, duke e quajtur këtë një veprim të dëmshëm dhe të rrezikshëm për menaxhimin e burimeve dhe pasurive të vendit.
Ndërkohë, avokati i bëri thirrje SPAK-ut që të hetojë rastin.
‘Ke një rast konkret, zonja Belinda Balluku vetëm me një firmë do menaxhojë mbi 210 mijë km katrorë, do japi leje ndërtimi, do i ketë në kontroll. Çfarë është kjo? SPAK ka marrë fonde sa të duash dhe është marrë me vogëlsira, kur vjen puna për të madhen s’e kemi parë, si te ky rast më sipër’, tha Merkoçi.
