Mjaftoi një foto e postuar në rrjetet sociale nga Esmeralda Metkaj e njohur si Cubi, e cila është pjesë e aktorëve të ‘Apartamentit 2XL’, që menjëherë të ngjalleshin dyshimet se ajo po martohej.
Por mesa duket, e gjitha paska qenë një mashtrim, pasi aktorja nuk e ka në plan këtë gjë. Të gjithë miqtë, kolegët dhe jo vetëm, pasi panë foton, hodhën hije dyshimi për një martesë të mundshme.
Në foton e saj me fustan nusërie, Turjan Hyska shkruante: ‘Ja erdhi dita o Cubi’. Kaq mjaftoi të besohej se ajo i kishte dhënë fund beqarisë.
Por pas gjithë kësaj fshiheshin xhirimet e promos për sezonin e ri të spektaklit të humorit. Spektakli tani e tutje do të quhet ‘Duplex Show’ dhe do të nisë transmetimin në ‘Klan’.
