Irlanda ka rënë pre e një sulmi kibernetik ndaj sistemeve të saj shëndetësore. Lajmin e ka bërë të ditur Ministri i Shtetit për Prokurimin Publik, Ossian Smyth.
Duke folur në transmetuesin RTE, Smith tha se sulmi kishte si qëllim prishjen e thelbit të sistemit shëndetësor irlandez.
Shërbimi shëndetësor ka mbyllur përkohësisht sistemin e tij të IT për ta mbrojtur atë pas sulmit, shkruan BBC. Smyth tha se ishte një sulm ndërkombëtar.
Ekzekutivi i Shërbimit Shëndetësor (HSE) tha se kishte marrë masën paraprake të mbylljes së sistemeve të saj për t’i mbrojtur më tej ato dhe për të vlerësuar situatën.
Ndërkohë, Ministri i Shëndetësisë i Irlandës Stephen Donnelly tha se incidenti kishte një ndikim të rëndë në shërbimet e kujdesit shëndetësor dhe social.
Sipas tij, nëse kjo do të vazhdojë deri ditën e hënë, Irlanda do të jetë në një situatë shumë serioze, saqë mund të anulohen shumë shërbime.
I have been in regular contact with @paulreiddublin this morning about this cyber attack on the @HSELive IT systems. We are working to ensure that the systems and the information is protected. COVID-19 testing and vaccinations are continuing as planned today.
— Stephen Donnelly (@DonnellyStephen) May 14, 2021
