Kryeministri Edi Rama, gjatë shpërndarjes së legalizimeve në Cakran të Fierit, shkëmbeu batuta si zakonisht me banorët e kësaj zone, ku njëri prej tyre ishte edhe simpatizant i Partisë Demokratike. Ky i fundit gjatë diskutimeve me kryeministrin Rama, iu drejtua kreut të PD-së, Lulzim Basha, që të dilte nga çadra.
Batutat mes Ramës dhe qytetarit të Fierit:
Rama: As ti nuk voton për PS-në, ata sytë blu që të janë skuqur tregojnë shumë. Tre metra larg të dalloj
Qytetari: Po, jam demokrat
Rama: E shikon, e prite nga Saliu, të erdhi nga ne leja…
Qytetari: Doja t’i thoja kryetarit tim Lulzim Bashës…
Rama: Kështu është jeta të vjen nga s’e pret, e dëgjove? E prisje nga Saliu s’të erdhi, votove mua, të erdhi.
Qytetari: E falënderoj stafin që drejton dhe koalicionin.
Rama: A koalicionin e ke qejf se je çik më afër me ata të tjerët.
Qytetari: T’i bëj thirrje kryetarit të partisë sime Lulzim Bashës
Rama: U takove me mua?
Qytetari: Po
Rama: Të ndodhi gjë?
Qytetari: Jo
Rama: Thuaj atij si demokrat të më takojë se nuk të gjen gjë, thuaj të lutem kryetar takoje, bisedoni bashkë se ja, ky po më prek dhe nuk po më ndodh gjë, atë s’e prek fare unë.
Qytetari: O zoti Lul Basha të lutem simpatizani jot, mos mendo se këta më njohin mua, kur isha i vogël na mësonin një vjershë përmendësh, të lutem harroje atë vjershën që thua natë për natë, hajde këtu te populli na premto që të votojmë.
Rama: Për premtime ai të mbyt se s’ka gjë në dorë thuaj të më takojë mua se mbeti në çadër.
Qytetari: O Luli të lutem planifiko një takim me bazën e Cakranit
Rama: A ti s’dashke që të takohem unë me të
Qytetari: Lul Basha, që të mbështesim tamam ulu dialogo me aleatët që ke
Rama: Me Kreshnik Spahiun sidomos
Qytetari: Takohu me koalicionin qeverisës që të na siguroni një të ardhme më të mirë dhe ate vjershen harroje, se të kam kryetar të mirë.
Qytetari: Ka mundësi të të bëjë një kërkesë?
Rama: Ta marrim Lulin në partinë tonë? Nuk e marrim dot
Qytetari: Nëse ai s’do futet në zgjedhje do na lërë në rrugë por ne do zgjedhim një koalicion që na pëlqen neve, dhe dil nga çadra se na injorove.
Reagimi i Lulzim Bashës:
Njësoj si Ramizi me Vullnetarët e Enverit në ditët e fundit të regjimit edhe Rama me Vullnetaret e Hashashit në ditët e fundit të Republikës se Vjetër: “Për dijeni tënden Kryetar ai qytetari që bisedonte në Cakran me Ramën dhe që bënte humor kinez quhet Xhafo Shenaj dhe ka zaptuar tokën e pronarëve të ligjshëm. Djali i këtij fshatarit Xhafo Shenaj që bisedoi sot me Ramën në Cakran është trafikanti dhe kultivuesi më i madh i hashashit në Cakran. Që nuk bën asnjë punë dhe shëtit me makinë mbi 50 mijë euro. Prandaj dhe ky i bënte elozhe Ramës dhe ironi Bashës sepse vetë Rama e di që ky Xhafo Shenaj ka parcela të mbjella në bashkëpronësi me Armando Subashin.”, shkruan kreu i PD-së në profilin e tij në Facebook.
