Në konferencën e mbajtur para derbit të Madridit, Simeone trajneri i Atl. Madrid që do të jetë edhe ekipi pritës ka cilësuar Real Madrid si skuadrën më të mirë në botë. Të gjitha këto vlerësime vijnë pas triumfeve të mara dy vitet e fundit nga ekipi mbretërorë. Por nuk ka ndalur me kaq, ai ka folur edhe me tone të ashpra, për faktin se ata arrijnë të marrin në radhët e tyre lojtarët më të mirë që ka në kampionat, luks që ne nuk e kemi.
“Do të sfidojmë skuadrën më të mirë në botë, ashtu siç ishte në momentin e saj edhe Barcelona. Real Madridi ka fituar dy Liga të Kampionëve radhazi, fitoi gjithashtu La Ligan dhe aktualisht është skuadra më e mirë sepse mbi të gjitha ka marrë në gjirin e saj edhe lojtarët më të mirë nga skuadra të ndryshme të Spanjës. Atë arrijnë të marrin ata futbollistë, tek të cilët ne skuadrat e tjera nuk mund të arrimë dot”.
Sa i përket kësaj përballje të gjithë janë të vetëdijshëm se do të jetë shumë e luftuar dhe do të ketë tension. Por Simeone e ka përgatitur mjaft mirë skuadrën për të dhënë në fushë më të mirën. Ndërsa sa i përket sulmuesit kryesorë, Griezmann, do të jetë i gatshëm për këtë sfidë dhe do ta nisë nga minuta e parë.
“Sfidat klasike gjithmonë kanë tension. Motivimi dhe dëshira për t’i bërë gjërat mirë në këtë ndeshje janë shumë të mëdha në të dy kampet. Që nga momenti që jam pjesë e Atleticos të gjithë derbit kanë qenë të ngjashëm dhe kështu do të jetë edhe ky i kësaj të shtune”.
“Griezmann? Është shumë mirë, ende nuk ka arritur formën e tij optimale por do të jetë pjesë e formacionit dhe jam i bindur që do të bëjë një paraqitje të mirë”, ka thënë Simoene.
