Pesë persona kanë përfunduar në pranga, pasi sillnin kontrabandë pjesë këmbimi dhe lubrifikantë për automjete.
Specialistët e Seksionit për Krimin Ekonomik finalizuan me sukses operacionin “Lubrifikanti”, ndërsa arrestuan shtetasit:
– Ismail Gani , 49 vjeç, banues në Tiranë
– Ilir Naska, 32 vjeç, banues në Tiranë
– Erland Topalli, 40 vjeç, banues në Tiranë
– Arben Kolgjini, 48 vjeç, banues në Tiranë,
– Arbri Arapi, 28 vjeç, banues në Tiranë.
Shtetasit e lartpërmendur dyshohet se sillnin kontrabandë, pjesë këmbimi dhe lubrifikantë për automjete.
Kjo pasi në orët e para të datës 21.05.2017, në rrugën e Prushit, është konstatuar se nga një autobus, po nxirreshin disa kuti kartoni me vajra lubrifikantë dhe pjesë të ndryshme këmbimi për automjete.
Policia ka sekuestruar autobusin që kishte transportuar mallrat kontrabandë, automjetin furgon ku po ngarkoheshin mallrat kontrabandë, 372 litra vaj lubrifikant automjeti me logon “Kastrol”, 480 litra vaji lubrifikant auomjetesh me logon e markes PKËV Motor, 33 tuba presioni ujë dhe interkuleri, 20 gomina grushtesh për autovetura, 6 filtra të madhësive të ndryshme, një automjet i tipit Fiat, si dhe 6 celularë të markave të ndryshme.
Gjithashtu janë shpallur në kërkim shtetasit:
– G. G., 43 vjeç, banues në Fier
– A. G., banues në Tiranë.
