Siguroi ngjitjen në Superiore, UEFA merr vendimin për Tiranën

Vetëm pak ditë më parë ekipi i Tiranës ka siguruar ngjitjen në elitën e futbollit shqiptar edhe pse kanë mbetur edhe disa javë për tu luajtur. Por fill pas kësaj feste ka ardhur edhe një lajm i keq. Është marrë vendimi nga UEFA për ekipet ku ishin konstatuar parregullsi gjatë pjesëmarrjen në turin e parë eliminator të Europa Ligës. Ashtu si pritej edhe për ekipin e Tiranës nuk është akorduar, një shumë prej 215 mijë euro që përfiton çdo klub.

UEFA ka marrë këtë vendim, pasi klubi kishte parregullsi në licensimin për të marrë pjesë në Kupat e Europës, siç thuhet në Rregullat e Licensimit dhe Fair Play financiar nga UEFA. Përveç Tiranës, një dënim të tillë e kanë marrë edhe Vojvodina e Serbisë dhe Irtish nga Kazakistani, ndërsa Sioni është përjashtuar nga marrja pjesë sezonin tjetër në Europë.