Sigurimi kundrejt fatkeqësive natyrore, si zjarret apo përmbytjet, është në vlera krejt të papërfillshme.
Në pesë muajt e parë të vitit, sipas Autoritetit të Mbikëqyrjes Financiare, shqiptarët kanë paguar prime sigurimi ndaj zjarrit dhe fatkeqësive natyrore për 550 milionë lekë, ose rreth 4.1 milionë euro.
Mesatarisht, kjo përkthehet në prim sigurimi për frymë në vlerën e 1.4 eurove, shifër që dëshmon se shoqëria shqiptare shpenzon pak për t’u siguruar ndaj këtyre rreziqeve.
Ndërgjegjësimi i dobët rreth rëndësisë së sigurimit ndaj fatkeqësive natyrore ka bërë që Autoriteti i Mbikëqyrjes Financiare, me konsulencën e Bankës Botërore, të përgatisë një projektligj për sigurimin e detyrueshëm të pronave nga fatkeqësitë natyrore.
Procedurat për miratimin e këtij projektligji ende nuk kanë nisur, por duket se institucionet do ta kërkojnë zgjidhjen te sigurimi i detyrueshëm në mungesë të ndërgjegjësimit.
