Studimi i publikuar së fundi nga Albanian Food Industry lidhur me Sigurinë Ushqimore në vend, dy ditë më parë, dha alarmin për sigurinë e qumështit. Raporti i AFI, u ka kërkuar institucioneve (laboratorit të referencës të ISUV dhe AKU) që të verifikojnë situatën e qumështit. Për këtë kishte një reagim të ish-ministrit Panariti dhe një pranim të situatës nga ministri i Bujqësisë, Peleshi.
Sot, AFI shpërndau një deklaratë për median ku e vë theksin te siguria e mishit. AFI deklaron se 75% e subjekteve të aprovuara dhe licencuara nuk plotësonin as edhe një kusht sigurie ushqimore, pra licencime korruptove.
Në deklaratë flitet për efiçencën e sistemit të kontrollit për sigurinë ushqimore, konfirmohen bindshëm edhe nga vetë veprimtaria e strukturave gjatë dy – tre muajve të fundit: Janë bërë publike gjetjet e inspektimeve në zinxhirin e tregëtimit të mishit, ku;
Së pari, rezultoi se 75% e subjekteve të aprovuara dhe licencuara nuk plotësonin as edhe një kusht sigurie ushqimore, pra licencime korruptive.
Së dyti vetëm në dy muaj pa asnjë investim (veçse duke zbatuar ligjin) numri i regjistrimeve në databazën kombëtare të lëvizjes së kafshëve pësoi rritje nga 250 kafshë në muaj në afro 5000 mijë.
Prandaj sërish përsërisim qëndrimin që lufta kundër informalitetit në sektorin ushqimor lidhet drejpërdrerjtë me luftën për Sigurinë Ushqimore.
Ka edhe plot të dhëna të tjera për inefiçencën ekstreme të Autoritetet Publike ndër vite apo/dhe indiferencën totale, deri para tre muajsh, ndaj një sistemi të tillë tërësisht jo funksional.
