Fillon sot në Itali, (Sicili), nën masa tepër të rrepta sigurie, Samiti dyditor i vendeve më të industrializuara të botës, ku marrin pjesë liderët e SHBA-ve, Germanisë, Britanisë së Madhe, Francës, Italisë, Kanadasë dhe Japonisë, i quajtur ndryshe G-7.
Në këtë samit, liderët do të diskutojnë kryesisht për bashkëpunimin në fushën e sigurisë dhe luftën kundër terrorizmit, sidomos pas sulmit me bombë në Mançester më 22 maj, ku u vranë 22 vetë. Gjithashtu pjesë e diskutimeve do të jetë edhe zhvillimi ekonomik, ndryshimet klimaterike, tregtia, emigracioni si dhe marrëdhëniet me Afrikën.
Mediet italiane njoftojnë për masa ekstreme të sigurisë, çka ka çuar në paralizmin total jetës normale në zonën e Taorminas, Sicili, ku po mbahet eventi botëror.
Organizatorët kanë konceptuar si pjesë të Samitit edhe aktivitete artistiko-kulturore.
Presidenti i SHBA-ve, Donald Trump, për herë të parë bëhet pjesë e një eventi të G-7.
