Ish-drejtori i Arkivit në Ministrinë e Brendshme, historiani Kastriot Dervishi në një postim në rrjetin social “Facebook” shkruan se po kryet zhvarrimi i dytë i ushtarëve grekë. Dervishi sqaron së në Dragot të Tepelenës po kryhen për herë të dytë zhvarrimet e ushtarëve grekë të vrarë gjatë Luftës Italo-Greke të viteve 1940-1941.
Historiani thekson se faktet tregojnë tjetër realitet nga ai që pretendon qeveria. Ky është zhvarrimi i dytë dhe jo i pari si pretendon qeveria Rama. Dervishi poston dy procesverbale të viti 1985 ku thuhet së më 5-14 shtator 1985 u hapën 674 varre si dhe 220 gropa (në të cilat nuk u gjetën eshtra).
Kujtojmë se po sot në media është publikuar zhvarrimi i një ushtari grek për të cilin ka pasur kontestime se është italian. Kolonel Dritan Demiraj thotë se ushtari është italian dhe kjo vërtetohet nga shkrimet në medaljonin e tij (lajmin e plotë lexoje këtu).
Postimi i plotë i Kastriot Dervishit
Dragoti midis dy zhvarrimeve të viteve 1985 dhe 2018
Sot u kryen në Dragot të Tepelenës gërmime për zhvarrimin e ushtarëve grekë të vrarë gjatë Luftës Italo-Greke të viteve 1940-1941, në pjesën e territorit të shqiptar. Për të vënë në dukje se ky nuk ishte gërmimi i parë, por i dyti, po rikujtoj procesin e parë, referuar nga procesverbali i 33 vjetëve më parë. Sipas këtij dokumentacioni, më 5-14 shtator 1985 u hapën 674 varre si dhe 220 gropa (në të cilat nuk u gjetën eshtra).
