Sali Berisha do të ishte një nga dëshmitarët për çështjen Shullazi, por duket se ish-kryeministri nuk do të dëshmojë. Kjo pasi avokatët e Emiljano Shullazit u tërhoqën nga thirrja e ish-kryeministrit si dëshmitar në gjyq.
Po ashtu, avokatët u tërhoqën edhe nga thirrja e Ardian Cipës dhe Shyqyri Durakut, teksa kërkuan që të mos thirreshin dëshmitarët e mbetur.
Mbrojtja kërkoi ballafaqim mes Ylvi Beqës dhe dy avokatëve Alban Qafa dhe Nexhat Kambo për dëshminë e tyre se Beqja u pati thënë që ishte kërcënuar nga Besim Hajdarmataj për të dëshmuar kundër Shullazit.
