Titulli kampion që iu hoq Skënderbeut nga FSHF-ja, ai i sezonit 2015-2016, për përfshirjen në çështjen e manipulimit të rezultateve sportive mbetet ende pa pronar, edhe pse Partizani ka bërë kërkesë zyrtare për t’ia kaluar atij.
Kërkesa zyrtare e klubit të kuq nuk ka marrë përgjigje FSHF-ja
“Partizani ka sjellë një kërkesë që do ta shqyrtojë Komisioni përkatës, nëse i takon ai titull apo jo. Atë titull e ka fituar Skënderbeu dhe ka marrë një penalitet nga Komisioni i UEFA-s dhe mendoj se Komisionet e Federatës Shqiptare të Futbollit do të marrin një vendim nëse ky titull i takon Partizanit apo do të ngeli vakant.
Nuk mendoj për kthimin e titullit që ka një afat, përveç shkresës zyrtare që ka sjellë Partizani nuk kemi dhënë asnjë përgjigje. Por, presim që Komisioni ta shqyrtojë dhe të marrë një vendim. Kjo nuk ka lidhje me UEFA-n”, tha Shulku.
