Ka ndërruar jetë në moshën 78-vjeçare, piktori i mirënjohur Agim Faja.
Pjesëmarrës në dhjetëra ekspozita, Faja është nderuar me titullin “Piktor i Merituar” në 1987 dhe në vitin 1996 me titullin “Pishtar i Demokracisë”, nga Presidenti i Republikës.
Piktori i Merituar, Agim Faja ishte një emblemë në qytetin e vogël të Shijakut.
Ai është nderuar edhe me titullin “Qytetar Nderi i Shijakut”.
Është fitues i mbi 15 çmimeve të ndryshme ndërkombëtare. Punimet e tij janë ekspozuar në Bienalen e Egjiptit, Kinë, Itali, Vietnam, Algjeri, Francë, Gjermani, Angli etj. Vepra të tij gjenden sot në koleksionet private të të gjitha kontinenteve.
Agim Faja lindi në Shijak në 14 mars 1939. Ndoqi studimet e larta në Institutin e Lartë të Arteve.
