Shtrenjtimi i energjisë elektrike në Kosovë është një problem që shqetëson shumë qytetarë, ndërsa lëvizja Vetëvendosje është sensibilizuar me ta.
Deputetja Albulena Haxhiu ka shprehur shqetësimin e saj lidhur me këtë fenomen, ndërsa ka akuzuar shtetin se nuk ka marrë asnjë masë për përmirësimin e kësaj gjendjeje.
“Në vitin 2012 humbën një nga korporatat më të rëndësishme për Kosovën nga presidenti Thaçi, ku në atë kohë shumë aktivistë protestuan dhe u arrestuan. Para gjashtë vitesh po ashtu na thanë që do të ketë investime dhe do të ketë njerëz që do të hynë në punë, mirëpo asnjëra nga këto nuk u bë”,ka thënë Haxhiu.
“Në këto gjashtë vite çmimi i energjisë elektrike është rritur katër herë, po ashtu edhe situata e largimit të punëtorëve është mjaft e keqe, rreth 95 punëtorë janë larguar vetëm në vjeshtën e vitit 2015”, ka shtuar ajo.
Po ashtu, deputetja e Vetëvendosjes njoftoi se nesër do të dërgojnë kërkesën për interpelancë për të kërkuar nga kryeministri Haradinaj një raport lidhur me gjendjen aktuale të energjisë elektrike.
Ndërsa përfaqësuesin e Komitetit për Energjetikë, Naim Hoxha ka propozuar disa zgjidhje se si Kosova mund të ketë shpenzime më të pakta të energjisë elektrike.
