Shtohet presioni tek Skënderbeu, pas Jashanicës një tjetër yll drejt largimit

Suksesi që pati Skënderbeu në Europa Leagu, ka bërë që edhe ekipet e huaja të kthejnë sytë për të rrëmbyer ndonjë lojtarë të Ilir Dajës. I pari që do të largohej që në janar ishte Ibrahim Jashanica, këtë fakt e ka konfirmuar edhe vetë lojtari i cili kishte shprehur dëshirën për të provuar një eksperiencë të re. Padyshim që korçarët nuk kanë kundërshtuar, por kanë kërkuar që ekipi që do të marrë shërbimet e Jashanicës duhet të paraqesë një ofertë të majme pasi cilësitë e tij janë të padiskutueshme.

Përpos këtij largimi, në ditët që pritet të hapet merkato Skënderbeu është “dridhur” nga një interesim i papritur që vjen nga Zvicra. Futbollisti më i mirë në Shqipëri për vitin 2017-të kërkohet me ngulm në Zvicër nga një skuadër e fortë por që nuk emri nuk bëhet i ditur. Nëse oferta e klubit në fjalë do të jetë joshëse për lojtarin dhe në terma të mirë financiarë për Skënderbeun, Lilaj mund të largohet nga Korça pasi në moshën 28-vjeçare kërkon të provojë një eksperiencë të re jashtë vendit pas asaj me Lokomotivën e Zagrebit në Kroaci përpara disa vitesh. Por për mesfushorin ka oferta edhe nga Belgjika e Rusia edhe pse më bindëse është ajo që vjen nga Zvicra.