Në Fushë Kosovë,kohët e fundit, ka pasur raste të shumta të shfaqjes së fruthit.
Shtimi i këtyre rasteve, sipas shefit të QKMF-së në Fushë Kosovë, Remzi Shala ka ardhur për shkak se këta banorë nuk i kanë vaksinuar fëmijët e tyre.
Kështu, stafi i Qendrës Kryesore të Mjekësisë Familjare në Fushë Kosovë ka filluar t’i vaksionojë fëmijët e komuniteteve romë, egjiptianë dhe ashkalinjë.
I ftuar në rubrikën “Sytë 7” në Klan Kosova, Shala tha se deri më tani stafi i QKMF-së ka arritur të vaksinojë 311 fëmijë për 5 ditë.
Gjithashtu, Shala shtoi se në terren kanë arritur t`i identifikojnë 20 fëmijë të prekur nga fruthi.
Sipas shefit të QKMF-se kanë mbetur edhe tri lagje pa u vizituar, që siç bëri të ditur ai, numri i atyre qe do të vaksinohen do të arrijë në 500.
