Shteti shqiptar do t’i marrë Gjermanisë një hua prej 14 milionë eurosh për menaxhimin e mbetjeve në vend.
Kjo hua, me kushte të favorshme, akordohet në kuadër të bashkëpunimit publik zhvillimor për projektin “Program për menaxhimin e mbetjeve”.
Për masa të nevojshme shoqëruese për zbatimin dhe mbikëqyrjen e projektit do të merret një hua në shumë financimi deri në 2 milionë euro, si edhe një shumë për masa të nevojshme shoqëruese për zbatimin dhe mbikëqyrjen e projektit në vlerën e 500 mijë eurove.
Këshilli i Ministrave i Republikës së Shqipërisë do të garantojë shtetin gjerman për të gjitha pagesat me euro, për shlyerjen e borxheve të huamarrësve, në bazë të kontratave që do të lidhen, shkruan Scan-tv.com.
Ndërkohë, shteti shqiptar përjashton nga të gjitha tatimet dhe taksat e tjera publike, huadhënësin.
