Klubi shqiptar i futbollit, FC Prishtina ka bërë me dije se shtatë pjesëtarë të saj kanë rezultuar pozitiv me koronavirus.
Në njoftim theksohet se bëhet fjalë për tre futbollistë dhe katër anëtarë të stafit të ekipit. Të infektuarit nuk kanë shfaqur asnjë simptomë dhe ndodhen në gjendje të mirë shëndetësore.
“Të infektuarit pritet të ritestohen sërish pas pak ditësh, sepse konsiderohet që të gjithë janë në fund të procesit të infektimit dhe afër shërimit të plotë. Skuadra do t’i vazhdojë përgatitjet në fushën e Istogut deri më 17-18 gusht, ndërsa do ta mësojë kundërshtarin e ndeshjes paraeliminatore më 9 gusht. Ndeshjen do ta zhvillojë më 20 gusht, varësisht shortit”, thuhet në njoftimin e klubit.
