Është mbyllur orari i rregullt i aplikimeve për postin e kryeprokurorit të përkohshëm, janë zyrtarizuar vetëm shtatë kandidatura. Për kryeprokuror kanë aplikuar Ferdinand Elezi, Arta Marku, Arqile Koça, Besnik Muçi, Granit Shahu, Ermira Tafani dhe Artur selmani . Gara për kryeprokurorin e përkohshëm u hap pasi më 7 dhjetor i përfundoi mandati Prokurorit të Përgjithshëm.
Kush është Ferdinand Elezi?
Ferdinand Elezi ka kryer funksionin e prokurorit që prej vitit 1999, kur është emëruar në detyrën e drejtuesit të prokurorisë së rrethit Kavaje deri në vitin 2002.
Pas kësaj detyra ai ka qenë zëvendës drejtues i Prokurorisë së rrethit gjyqësor Durrës deri në vitin 2005, kur është emëruar drejtues i Prokurorisë së Apelit në Tiranë.Prej vitit 2006 e në vazhdim, Elezi, ushtron funksionin e prokurorit në Prokurorinë e Apelit Durrës. Prokurori i Përgjithshëm me urdhrin nr. 89 date 2.5.2011 “Për fillimin e procedimit disiplinor”, ka urdhëruar fillimin e procedimit disiplinor ndaj tij.
Ferdinand Elezi by Tirana Today on Scribd
Kush është Arta Marku?
Arta Marku, prokurore në rrethin e Shkodrës. Ajo është me moshë 41-vjeçe dhe është nga Puka. Marku ka përfunduar në vitin 1999 shkollën e lartë në Shkodër, ndërsa Magjistraturën në 2001. Ajo ka një eksperiencë prej 15 vitesh si zëvendësprokurore e këtij rrethi. Gjithashtu, Marku garon edhe për Këshillin e Lartë të Prokurorisë. Mësohet se bashkëshorti i saj punon si Oficer i Policisë Gjyqësore (OPGJ) për qarkun Lezhë, Shkodër dhe Kukës.
Arta Marku by Tirana Today on Scribd
Kush është Arqile Koça?
Arqile Koça është nga Devolli. Profesionin e prokurorit e ka ushtuar shumë herët. Ka punuar prokuror në rrethet Devoll e Korçë, nga ku më pas është transferuar në Prokurorinë e Përgjithshme. Në kohën kur akuzën e drejtonte Arben Rakipit, ka kryer detyrën e prokurorit në Prokurorinë e Përgjithshme. Po kështu Arqile Koçka ka qenë anëtarë i Këshillit të Prokurorisë për tre vite nga 2005 deri në vitin 2008, kur i mbaroi mandati. Prokurori Arqile Koça, ka ushtruar për disa vite funksionet në Drejtorinë e Hetimit dhe Ndjekjes Penale. Nga viti 2013 ai drejton Drejtorinë Gjyqësore dhe të Mbikqyrjes së Vendimeve Penale dhe Vuajtjes së Dënimit. Për Arqile Koçën nuk ka një formular dekriminalizimi në internet.
Kush është Besnik Muçi?
Besnik Muçi ka një karrierë të gjatë në Prokurorinë shqiptare, fillimisht në Tiranë dhe më pas te Krimet e Rënda. Autori është njëherësh edhe ekspert i Trajnimit Vazhdues të Shkollës së Magjistraturës prej vitit 2009.
Besnik Muçi by Tirana Today on Scribd
Kush është Granit Shahu?
Granit Shahu, prokuror në Tiranë. Më herët Shahu ka punuar në prokurorinë e Shkodrës dhe një muaj më parë ishte transferuar në kryeqytet.
Ai nuk ishte përfolur shumë në media dhe në radhët e drejtësisë njihet si një prokuror karriere.
Granit Shahu by Tirana Today on Scribd
Kush është Ermira Tafani?
Ermira Tafani është prokurore në Elbasan. Në internet për prokuroren thuajse nuk ka asnjë të dhënë vetëm formular i dekriminalizimt. Por gjithashtu dhe një investigim i emisionit “Stop” i cili thotë se prokuroria ka kërkuar 150 000 euro një klienti.
Ermira Tafani by Tirana Today on Scribd
Kush është Artur Selmani?
Artur Selmani prej vitesh punon në akuzën qendrore. ka qenë drejtor i studimeve, ndërsa ka marrë pjesë në disa çështje gjyqësore në Gjykatën e Lartë. Selmani ka punuar më parë si drejtor i studimeve në akuzën qendrore, ndërsa ka përfaqësuar akuzën në disa çështje shumë të rëndësishme në Gjykatën e Lartë. Selmani njihej si personi që ngrinte akuzat për politikanë të ndryshëm, pasi në “dorën” e tij kanë kaluar ministra dhe deputetë, me akuza të rënda apo të lehta. Megjithëse përfundimi i tyre dihet nga të gjithë, prokurori Artur Selmani ka qenë edhe një njohës shumë i mirë i proceseve gjyqësore në Gjykatën e Lartë. Gjithashtu, Artur Selmani nuk ka një formular dekriminalizimi në internet. TIRANA TODAY
