Ai vrau hajdutin që i kishte hyrë në shtëpi. Italiani ka marrë një dënim me 10 vjet burg dhe një gjobë prej 50 mijë eurosh. Por, Giovanni Capuozzo, e ka apeluar këtë vendim dhe do dalë përpara gjyqtarëve të apelit, raporton paesenews.it.
Ai vrau shqiptarin Dashamir Xhepa, që mendohet se ishte një prej banditëve që për një kohë të gjatë kishin terrorizuar Matesen.
Pas disa ditësh i pandehuri do të jetë përpara Gjykatës së Apelit të Napolit. Avokati i tij po bën të pamundurën për të hedhur poshtë vendimin e gjykatës së shkallë të parë.
Historia:
Ai vrau një nga hajdutët të cilët kishin hyrë në shtëpinë e tij. Ai e kishte qëlluar shqiptarin pasi ai kishte tentuar të hynte në dhomën e vajzave të tij.
Giovanni Capuozzo, një punëtor, i cili për të mbrojtur shtëpinë e tij nga sulmi i bandës së hajdutëve, qëlloi dhe vrau shqiptarin.
Gjithçka ndodhi kur Capuozzo zbuloi disa hajdutë në shtëpinë e tij. Njëri prej tyre i cili ishte shqiptari, i cili kishte tentuar të hynte në dhomën e gjumit të vajzave të tij.
Punëtori pastaj kishte marrë armën që ai e përdoret për gjueti, e kishte mbushur me fishekë që i përdorte për të qëlluar derra të egër dhe kishte vrarë shqiptarin.
Më pas, 42-vjeçari e kishte marrë trupin e kishte futur në automjet dhe e kishte hedhur në lumin Voltrurno.
Ishte gjashtë korriku i vitit 2012; kur Dashamir Xhepa, 39 vjeç, me origjinë shqiptare, rezultoi i zhdukur. Familjarët e tij ishin alarmuar. Miqtë e tij thonin së gruan e tij po rebelohej. Gruaja ishte ankuar tek karabinierët, të cilat më pas e kishin detyruar Capuozzo të rrëfehej.
Punëtori kishte treguar vendin ku kishte hedhur trupin dhe kishte pranuar të bashkëpunonte me autoritetet.
Ai ishte arrestuar dhe ishte mbajtur në burg për disa muaj. Më pas ai ishte lënë i lirë dhe kishte filluar punën.
Pas dënimit në shkallën e parë me 10 vjet burg dhe 50 mijë euro shpërblim për vejushën e Dashamir Xhepës, Capozzo e ka dërguar çështjen në Gjykatën e Apelit.
/Tirana Today/
