Revolucioni në fushën e teknologjisë informative, i cili ka kapluar viteve të fundit mbarë rruzullin tokësor, duket se nuk po ngec as në hapësirën shqiptare.
Herë pas here në studio kemi pasur të rinj e të reja të talentuara, që bëjnë shpikje teknologjike, nga Shqipëria e Kosova.
Por me sa duket, talente të tilla i gjen në gjithë trevat tona, përfshi Luginën e Preshevë, shkruan “TCH”.
Në mesin e shumë entuziastëve në industrinë e “IT “-së është edhe Miran Behluli, nga Bujanoci.
Me të mbaruar shkollën e mesme, në Shkup të Maqedonisë, Mirani ka prezantuar një aplikacion që ka të bëjë me zhvillimin e një loje atraktive e që është i disponueshëm për dy sistemet kryesove operativë të telefonave: Android dhe iOS.
Aplikacioni i quajtur “Orbavoid” ka parë dritën javën e fundit, ndërsa është mirëpritur nga dashamirësit e lojërave.
