Një shqiptar është shpërblyer me marrjen e shtetësisë greke, pasi u cilësua si një nga heronjtë teksa shpëtoi jetë njerëzish në tragjedinë në Mati të Greqisë, kur zona u përfshi nga zjarri.
Bëhet fjalë për Gani Xhekën, i njohur edhe me emrin Ervin Cenga, i cili më 2 janar do të marrë zyrtarisht shtetësinë greke.
Së bashku me shqiptarin, shtetësinë greke do e marrin edhe 2 egjiptianë. Vendimi u botua më 21 dhjetor në fletoren zyrtare, ndërsa ceremonia do kryhet në praninë e presidentit Pavlopulos.
Ministri i Brendshëm Aleksi Haritsi e konsideroi si minimumi që mund të bëjë shteti grek në shenjë mirënjohje të thellë për aktet heroike të emigrantëve në këtë tragjedi të madhe, që shënoi historinë bashkëkohore të Greqisë.
Rrëfimi i shqiptarit
Cenga, në një intervistë të bërë kohë më parë në ERT, tha se ka rreth 22 vjet në Nea Makri, që fëmijë. Ai ka krijuar familje dhe punon tek varkat. Duke treguar për ditën e tragjedisë, Cenga thotë se sapo mori vesh për zjarret që kishin pushtuar vendin shkoi në port, mori varkën dhe u nis për të ndihmuar.
“Mora varkën time dhe fola me Janin, bashkëpunëtorin tim që kishte ikur aty i pari. Hodha disa shishe ujë ne varke dhe ika me nxitim aty ku kishte kaos, ne Mati. Nuk arrija dot ne breg, era e fuqishme sillte peme te djegura, frynte ere e çmendur dhe situata ishte shume e vështire. Nuk i numërova njerëzit qe transportova me varken time, ishte një nate e frikshme, por rreth 50 veta kaloja nga bregu i Matit deri ne anijet e flotes bregdetare qe ishin me tjelle ne det”, shprehet shqiptari.
Ervin Cenga thotë se ndihet shumë mire që ka marrë shtetësinë greke, gjë që do të ndikojë pozitivisht në jetën e familjes së tij.
“Unë jetoj kaq vite këtu, dua të jetoj në Greqi dhe shtetësia është një aset i merituar. Jo sepse bëra atë që bëra, nuk ka lidhje me aktin e asaj nate, por sepse jam shume vite dhe se është vendim i drejte”, thotë ai në ERT.
