“Sot në Itali një tjetër sulm ndaj një mësuesi”, kështu e nis postimin e saj në rrjetin social “Facebook”, Monika Wilmer. Krahas, imazheve të një djali të ri me profesion mësues, i cili është dërguar në sallën e urgjence për të marrë ndihmë mjekësore ajo shkruan: “Faji” i mësuesit!”
Mësuesi ka qenë i pranishëm në një debat kur prindërit e një nxënësi me origjinë shqiptare e kanë akuzuar për mosvlerësim maksimal të fëmijës së tyre vetëm për faktin se ai ishte i huaj.
Çifti me origjinë shqiptare, prindër të një 15-vjeçari, pretendonin se djali i tyre ishte i shkëlqyer me mësime.
Drejtori i institutit, Claudio Dorè, e mohoi versionin e tyre për Corriere della Sera: “Që nga shkurti ne kemi kontaktuar prindërit e djalit disa herë për të folur me ta, për të theksuar se performanca e djalit ishte e kënaqshme por jo e shkëlqyer” . Më tej Wilmmer një nënë italiane në “Facebook” shkruan: “Kush do t’i mbrojë mësuesit që janë trajnerë të shoqërisë së nesërme?”.
Ndërsa të zemëruar nga rezultatet e djalit të tyre prindërit shqiptarë kanë fajësuar mësuesit. Mësuesi i kishte marrë prindërit duke u shpjeguar se djali i tyre nuk kishte mesatare të lartë për të vijuar studimet në dy degë që ai preferonte. Por sapo mësuesi u tha këta fjalë situata doli jashtë kontrollit.
Nëna filloi të bërtasë, ndërsa n babai i djalit ndërhyri për të ndaluar punonjësin e shkollës për të parandaluar situatë.
Më pas dy prindërit u thirrën nga drejtori për të qetësuar situatën, por as kjo përpjekje nuk e uli zemërimin e tyre. Babai i djalit e kishte ndjekur nga pas mësuesin e ri dhe e kishte dhunuar. Ai e kishte goditur në kokë, shpinë dhe qafë, ku kishte tentuar ta mbyste.
Ndërsa mësuesi është shprehur se: “Isha i tmerruar … nëse ai kishte një armë, çfarë mund të kishte ndodhur?Agresori më mundi fizikisht, filloi të më godiste, më vuri duar në fyt, çdo gjë ndodhi shumë shpejt. Ishin kolegët që më shpëtuan dhe më pas ndërhyri policia. Edhe pse ata u morën nga autoritete vijonin të më fyenin. Ata donin të justifikoheshin dhe thonin që djali i tyre ishte i mirë dhe se mësonte”.
As djali as prindërit nuk kanë kërkuar falje për incidentin. Gelvi ndërkohë vendosi të bëjë një ankesë dhe drejtori Dorè e mbështet atë: “Ne duam t’i shkojmë deri në kësaj historie”.
“Nuk kam frikë të kthehem në shkollë për të dhënë mësin, por kam frikë nga takimet e tjera me prindërit. Unë vazhdoj të mendoj se do të duhet vetëm pak kohë për t’i dhënë fund tragjedisë “, përfundon Umberto Gelvi.
Burimi: tgcom24.mediaset.it
Burimi: Tirana Today
